Ka 20th Invitation Football Tournament 2026, wa pynman da ka Phramer Youth Cultural and Sports Club deiwa ya krehlang wa ka Ksoo Brothers Sports Club u poi noh ko cha wakut da ka yakhun Final hapyrdi ka Halari FT kawa man ka Team yong u Kynsai Pasleiñ uwa na ka chnong Khliehriat West wa ka Chister FT kawa na Muthlong ha ka 14-11-26 heipor 12:00 waje pyrdi sngi.
Ka Halari toh ka Club kawa pawnaam bha kawa da jooh chimbynta ha kiwa boon ki Tournament ha Jaiñtia Hills kawa da jooh jop ya kiwa boon Final. Ka Chister Football Team won toh ka Team yong ki bru samen na chnong Muthlong West Jaiñtia Hills.
Ka Team wa jop Final daw yoh ko ya ka song poisa kawa Rs. 4 lak katwa kawa rem won daw yoh ko Rs. 2 lak.
Ha kani ka sngi daw pynkhle leh ya ka Luck Draw kawa dapoi hadooh Rs. 50,00,000 heiwa ka 1st Prize man ko Rs. 30,00,000 wei ye leh wow jied da ka Dumper BS4 lane da ka JCB 40X. Ka 2nd Prize won man ko Rs. 10,00,000 heiwa ye leh wow jied da ka Mahindra Pickup lane da ka Truck 12 Tyre BS3. Ka 3rd Prize won Rs. 3,00,000 lane ye wow jied da ka kari Alto K10.
Ki Consolation Prize won 7 tylli kiwa mar Rs.1 lak kawi wei ye leh wow jied da ka Scooty.
Ki Ticket u sangeh dai heipor 3:00 waje i sngi wei i dor ki toh Rs. 300 chi Ticket wa Rs. 500 ar tylli.
Ha kani ka jooh ka sngi heipor 11:00 waje i miet daw em ka Housie kawa dapoi Rs. 12,00,000 ka Prize Pool.
Chwa ini heipor 8:00 waje i miet daw em leh i pynwyrngia da ki DJ wa ki chaad wa kyrpang.
Discussion about this post