Ka M/s Nowell Gas Agency, Khliehriat East, East Jaiñtia Hills District kawa man ka Authorised LPG Distributor ka Indian Oil Corporation Ltd da pynman ko da ka yakob chet namo ka Cooking Competition.
Ya kani ka yakob da pynman ha Khliehriat ynne ka sngi hajrong ka thong wow pynsñiawthooh wow syndong hawa chet da ki kum LPG.
Kani man ko leh hapoh yong ka Sense of Duty Campaign yong ka Ministry of Petroleum and Natural Gas heiwa da pynyoo leh kammon wow yada wei wow chngaaiñ hawa pynemkaam LPG ha ki yung ki sem.
Da pynyoo nongmuna kamjooh leh i batai kammon u pynemkaam ya ki kum LPG hawa chet baam.
Ha kani ka sngi ka JU Kharpuri, Additional Deputy Commissioner da man ko kam ka kongsan hei emlang ka S. Mudoi, Manager (LPG-Sales) & SLC, Meghalaya; ka Syrpailin Phawa, Lecturer ka Jaiñtia Eastern College; u Salanbor Kamar, District Special Educator, East Jaiñtia Hills; ka C.P. Suchiang kawa man ka tre yong ka M/s Nowell Gas Agency, INDANE wa kiwi.
Ha ka yakob kiwa jop man ki kamni ha wah:
1st Prize- Embhahlang Paslein
2nd Prize- Kheslymon Rymbai
3rd Prize- Richard Shylla
Discussion about this post