Ka Kotak Life Insurance ynne ka sngi da wai ko ya ka chnat krehkaam wa nyngkong yong ka ha Ri-loom Jaiñtia kawa em ha Khliehtyrchi, West Jaiñtia Hills District, harood u sarok Shillong-Jowai wei ya kani ka Office da wan wow wai da u Montri ka sorkar jylla, u Wailadmiki Shylla chirup i emlang ki dkhot ka Kotak Life na Ri-loom Khasi wa Jaiñtia, u waheh chnong ka Khliehtyrchi u Kitbok Rymbai wa kiwi de kiwa chah khut sñiawbha.
Da emlang leh ki heh ka Kotak Life wa kynthup ya u Surajit Gupta, Zonal LOA Head of Kotak Life Insurance, u Mintu Sarma, ZVP Kotak Life Northeast, u Rupam Das, LOA Manager Northeast Kotak Life Insurance, u Tapash Dutta, Regional Head Kotak Life Northeast, u Arunav Borthakur, Zonal Training Head Kotak Life Northeast wa u Rahul D Lyngdoh, Branch Head Shillong Kotak Life Northeast.
Ha ka yalang wa pynlai da ka Branch Managing Partner Jowai, ka Kanchan Barua, ki heh ka Kotak Life khana ki wa kani toh chibynta ka Mahindra Group kawa da em 41 snem i chakri ha India. Em ko 9 tylli ki chnat ha Northeast wa 11 tylli ki LOA Office.
U EMH Pasaah kam u bru waheh wa da embynta ha kani ka Kotak Life, ong u hei im bru wym tikna yi wow jia mynstep mankawi, emkaam u chim kabu ya ki Policy na kani ka Kotak Life kawa man chibynta ka laad wow chngaaiñ ya idæ wa ya ka yung ka sem.
U Wailadmiki Shylla da ong u wa iwa emkaam tam ha kini ki sngi toh i man chngaaiñ, tangwa iwa eh bha leh ha kini ki sngi toh wow pynsñiawthooh yeiwa bha ha u bru, katwa neibynta iwa sih man iwa suk tam.
Hanla kattæ leh kyntu u ya waroh kiwa da kreh chitom wym toh u dooh mynsien ki, tangwa u Blai wow nang e buit ya ki neibhah wa ki da leh ki iwa bha tam.
Kyntu haroh u ya ki paidbah wow wan ki chakhmat neibynta u pynchngaaiñ ya idæ wa ka yung ka sem lyngba ka Insurance.
Wei kamwa ki bru Jaiñtia toh kiwa em sap hei kaam kreh Business wei kiwa pyrkhat leh ya ka mynried, yooluti u wow wan ki chakhmat wow embynta ha kani ka Kotak Life Insurance.
Discussion about this post