15 49.0138 8.38624 1 0 4000 1 https://wyrta.com 300 0

Da i yurim yung neibynta i thaw siang wow pynsahnaam ya ka (T) Bilsina War Passah

0 Comments
Advertisement ad1

Jowai: Ynne ka sngi man ko ka sngi wow sah khana ya ka kur War Passah neibhah wa da esñiawbha ki khon ki ksu ka (T) Bilsina War Passah da i yurim yung wow pynemkaam hawa siang iwa em ha Loomthang-bru, Dulong Poh-Hali.

Ini i yung da chna kam wow pynsahnaam ya ka (T) Bilsina War Passah wow yoh u pynemkaam manda siang hawa pyndep ya ka lehniam wa khaddooh hawa thang ya kiwa da khlaad.

Advertisement ad1

Ya ini i yung da e ynne ka sngi cha ka Raij heiwa da em ka yalang wa tbian hei pyllai u O.R. Challam uwa man kam u President ka Seiñraij, Jowai uwa da e leh ya ki kyntien pdiang burom ha kani ka sngi.

Chwa wow sdang ka yalang da yoh ya ki kyntien ngoohblai na u Pator ka Elaka Jowai, u Raymond Nartiang.

Kam u kñi ka kur War Passah u EMH Passah hei klam da ong u wa ini da leh kam wow pynsahnaam ya ka beipun Bilsina yeiwa da sikai ko ya ki wow man kiwa yatylli chi yung chi sem kawa da sneiñ da kroo kawa da kdaw luti ya ki.

Da ong u leh wa yooluti u wa ki khon ka Raij u ye ki u pynemkaam hok ya ini i yung hawa em i jia wa sñiawsih hawa pyndep ya ka lehniam thang hawa em wa khlaad.

Hadien ini da yoh ya ki kyntien klam na u KF Laloo uwa man kam u Chairman ka Niamtre Committee ka Seiñraij, Jowai heiwa da ong u wa ki khon ka Niamtre hapoh ka Raij neipor cheipor esñiawbha ki ya ki yurim yung ha ki loomthang-bru kam wow pynsahnaam namo kynmoo warom ya kiwa da khlaad, neiliang yong ki khon ka Niamtre won, emkaam wow em ki i mynsien mantre ya kini ki thaw deiwa pynkhooid pynjngiar wei u sumaar ya ki.

Da ong chooh chooh u wa ka niam kat dang lai ki por phær ko kajiak heiwa da kynmoo tamdien u ya u (T) Kambel Chullai uwa da chem ya ka Khnapthang-bru kawa pynphær wei pynsuk hawa pyndep ya ka niam thang hawa em wa khlaad.

Hachwa wow kut kani ka yalang da yoh ya ki kyntien makhane na u General Secretary ka Seiñraij Jowai u Arwotki Sumer wei da ekti noh ya kani ka yung cha ka Seiñraij.

Advertisement ad1

0 Comments

Leave a Reply