Da jied thymme ya kiwa kitkaam ka KSU-JHDU ynne ka sngi

Jowai: Ka KSU Jaiñtia Hills District Unit ynne ka sngi da pynman ko ya ka General Election neibynta ka samoi 2018-2021 yong kiwa kitkaam yong ka ha District Library Auditorium, Mynthong Jowai.

Kani ka Election da man ko sien wa le wa da pynman ka KSU-JHDU neibynta ka kyrdan President, Vice President, General Secretary, Asst. General Secretary, Organising Secretary, Education Secretary, Publicity Secretary wa Office Secretary heiwa da wan 10 ngut na kawi ka Unit wa ki Circle heiwa waroh da em 36 tylli ki Unit wa 6 tylli ki Circle hapoh ri-loom Jaiñtia.

Ya i kyrdan President da yoh biang u Ohibait Dkhar uwa da jop khlem em wa yieñ pyrchah ya oo, ya i kyrdan Vice President da yoh u Benison Franki Kamar uwa da yoh 196 Vote uwa da pynrem ya u Cherity Suja uwa yoh 60 Vote, ya i kyrdan General Secretary da yoh u Albinus Lamurong uwa da jop khlem em wa yieñ pyrchah ya oo kamjooh leh ya i kyrdan Asst. General Secretary da jop u Garland Shadap Manner uwa da jop khlem em wa yaleh pyrchah ya oo.

Ya i kyrdan Organising Secretary da em le ngut wa yakhun wei da jop u Leningrad Tariang uwa yoh 186 Vote, wa ar da yoh u Kindly Khyriem uwa yoh 58 Vote katwa ha wa le da poi u Brightstar Sohtun uwa yoh 12 Vote.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Justice Paul Lyngdoh da ksoh u ya ka kyrdan Education Secretary hadien wa jop u khlem wa em wa yieñ pyrchah ya oo wei da ini i jooh, u Laitphar Syngkrem da yoh u wow ksoh Publicity Secretary wa u Balawan Suchiang uwa man kam u Office Secretary.

Ya kiwa ksoh kaam ka seiñ da pynbaam smai da u President ka KSU-CB u Lambokstarwell Marngar uwa da ong hei klam yong oo wa u man dkhot ka KSU ymtoh kawa suk wei da em leh kiwa da chah maham beh chnong, kiwa chah klam beiñ wei emkaam u man kiwa chlur kamjooh toh u man kiwa ya tylli kam kawi donhi ka jaitbru.

Ha kani ka sngi da yoh leh yei klam na uwi u dkhot warim ka KSU-JHDU u S. Ryngkhlem uwa da khana wa heipor dang khynroo ki bru jooh khut ki oo kam u “Gunda” tangwa nadooh wa man u kam u dkhot ka KSU da kylla u wei katni da man u kam u Waheh Chong ka Wapung Skur.