15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynkup burom ka Mihmyntdu NPP Unit ya u Sniawbhalang Dhar wa u Wailadmiki Shylla

0 Comments

Jowai: Ka Mihmyntdu NPP Unit ynne ka sngi da pynman ko ya ka yalang wow pynkupburom ya u Sniawbhalang Dhar uwa man kam u montri ka sorkar jylla uwa pait ya ka tnat Commerce & Industries, Soil and Water Conservation, C&RD etc, wa ya u Wailadmiki Shylla uwa man kam u MLA ka thaiñ kamjooh u Chairman ka Meghalaya Commission on Resource Mobilization ha Lumpyrdi Mihmyntdu, West Jaiñtia Hills.

Ya kani ka yalang da pynlai da u President kani ka Unit u, Arki Chyrmang wei da yoh ya ki kyntien pdiang burom na u Sincereman Chyrmang wa ki kyntien pdiang burom na u P. Rngkhlem.

Ha kani ka sngi da pynkupburom leh ya u District President ka Party, u Octomewot Lamin, uwa da ekhublei ya kiwa kitkaam ka party hapoh ka chnong Mihmyntdu heiwa da ong u leh wa yoosar neidaw wa oo toh uwa na kani ka chnong ka vote wa da yoh ha kani ka Election MLA leh boon ko na kani ka chnong.

Neiliang u Wailadmiki, hawa e i klam da e khublei u ya kiwa kyrchaan ya oo kamjooh leh kiwa ym em kyrchaan ya oo deiwa kyntu ya ki wow wan ki chakhmat wow krehlang chirup wow ye u wanrah ya ki kaam pynroi hapoh ka chnong wa ka Constituency hi waroh kawi kamwa da thrang wa angnood ki paidbah.

Kam u montri ka sorkar jylla, u Sniawbhalang hawa e i klam da ong u wa kani leh man ko ka burom yong ka yung ka sem yong ki wei emkaam wow lai e khublei ki ya waroh ki lok ki jor kiwa da kyrchaan wow pynjop ya ki.

Ya kani ka yalang da pynkut da ki kyntien e khublei na u Lambha Chyrmang.

 

Previous
Next

0 Comments

Leave a Reply