15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Da jied thymme ya kiwa kitkam ka Kiang Nangbah Govt. College Student Union

0 Comments

Jowai: Ka Kiang Nangbah Govt. College Jowai, ynne da pynthymme ko ya kiwa kitkaam yong ka seiñ kiwa puræ haka kawa tip kam ka Kiang Nangbah Govt. College Student Union (KNGCSU) neibynta u snem 2019-2020 deiwa pynman yaka Election ya waroh kiwa kitkaam.

Yaka thap Vote da pynman hei step katwa ha i janmiet da ñiaw yaki Vote, wei waroh kiwa da yakhun neibynta ki 12 tylli ki Post da em ki kamwa 31 ngut.

Hadien wa da dep ñiaw yaki Vote, u Dawyoo Lyngdoh da chah jied u kam u President ka Student Union, u Samborlang Shylla kam u Vice President, u Wanbiang Pulang kam u General Secretary, u Ajay Chyrmang kam u Assistant General Secretary, u Sanborki Biam kam u Student Editor, ka June Meris Suchiang kam ka Secretary Cultural Affair (Music & Drama), u Chanianga Rabon kam u Secretary Debate & Symposium, u Victory Phawa kam u Secretary Indoor games & Sport, u Hamewanpynhun Ryngkhlem kam u Secretary Outdoor Games & Sport, u Vicky A Lamare kam u Secretary Social Service, u Selman Shylla kam u Secretary Boys’ Common Room katwa ka Ibadashisha Dkhar da jied kam ka Secretary Girls’ Common Room.

Ya ki pyrtuid kiwa jop da pynbna da u S. Dey uwa man kam u Returning Officer ka Kiang Nangbah Govt. College Student Union Election wei da pynbaam smai leh da oo hi uwa man heijooh i por u Principal ka College.

U President thymme ka Union u Dawyoo Lyngdoh da e khublei u ya waroh kiwa da jied ya oo wei kamwa da e ki i chaniah ha oo, kamtæ da khut u leh ya i ya krehlang lang waroh kiwa puræ kamjooh ki para dkhot neibynta wow booddien wow pynmankaam yaki kaam wa dang sahteiñ wa da yahkhmat daka President warim wei wow prat luti neibynta kiwi ki emkaam ka College.

Previous
Next

0 Comments

Leave a Reply