Da jied ya u James Sangma kam u President wa u Rajiv Bareh kam u V-President ka Meghalaya Cricket Association

Ka Election ka Apex Council yow jied ya kiwa kitkaam wa thymme ka Meghalaya Cricket Association (MCA) dadep pynman ka heiwa u Montri sorkar warim, u James PK Sangma da chah jied u kam u President wa thymme ka MCA.

Da jied leh ya u Vice-President wa thymme da u Rajiv Bareh, katwa u Rayonald Kharkamni da man biang u kam u Honorary Secretary. U Honorary Joint Secretary toh u Mebanphira Swer, u Honorary Treasurer, u Eddystone Shylla wei u Apex Council Member toh u Chuba R Marak.

U James da pynsñiaw u yei sñiawngooh yei chah jied kam u President ka Apex Council ka Meghalaya Cricket Association kamjooh ya waroh kiwa pynyoo yei chaniah ha oo wow kit ya ini i kaam wei da kular u leh wow leh yei kaam deiwa khooid wa suba wei wow pynbiang chooh chooh yeiwa emkaam ki khynroo khyllood kiwa yaleh Cricket ka Meghalaya.