Ka Tuber Kmai Chnong, East Jaiñtia Hills da pynman ko ya i jied ya u Waheh Chnong ha ka 30 tarik uni u bnai heiwa da wan sakhi ya ka da u Dolloi ka Elaka Jowai, u Puramon Kynjing.
Ka Election Committee Tuber Kmai Chnong da pynlai ko ya ini i jied Waheh Chnong heiwa da pynlai da u Wanbha Phawa kam u Chairman wa u Pynshngain Phawa kam u Secretary.
Ha kani ka sngi ki paidbah da jied ki ya u Waheh Chnong wa thymme da u Miki Lyngdoh neibynta ka samoi krehkaam wa 3 snem.
Da wan sakhi leh ya kani ka sngi da ki 1333 ngut na ki 1592 ngut kiwa chong chnong.
Ka Committee da e khublei ko leh ya ki dkhot kamjooh leh ya kiwa chong chnong wa khamtam ya u Dolloi wa kiwa synraan ya oo.
