Ka 5-A-Side Football Tournament kawa man ka lympung yalehbol wa pynman dei por miet wa pynlai da ka Umsalait Football Club dapoi ko cha wakut ha ka 28 tarik uni u bnai.
Hachwa u sdang ka yalehke Final da em i kynmoo warom ya uwi na kiwa yalehke uwa da khlaad uwa pawnaam ka Umsalait FC uwa man leh u Coach ka Club, u Dilas GR Sumer deiwa pynman ya ka suki kiaw wa chipor deiwa tympleh leh ya ka bordiñ ha kani ka thaw yalehke.
Ya kani ka lympung da wan wow pynhiar pyrda u Barister Niang deiwa emlang ki waheh wasian yong ka chnong Umsalait.
Ya ka Final da jop da ka Lyngdoh United yaka Dream Killer da 2-1.
Kiwa jop da yoh ki leh ya ka song poisa wa T. 30,000 katwa kiwa rem da yoh ki T. 15,000 wei da sdang ya kani ka lympung ha ka 28-04-22.
