U Robert Francis Prevost da chah jied u kam u Pope wa 267 ka Roman Catholic Church ynne ka sngi deiwa chim u yei pyrtuid Pope Leo XIV, wei da man u leh kam u Pope wa nyngkong na United States of America.
Kam ka rukom, da mih i tdem rong lieh na toskhana ka Sistine Chapel wa pynyoo wa ki Cardinal kiwa da chong la chi sngi tam da jied ki ya uwa yahkhmat ka thymme ki 1.4 Billion ngut ki Roman Catholic.
Ki Cardinal dapoi ki cha kani ka rai hadien wa tam 24 kynta deiwa thap Vote boon sien. Wei waroh da em 133 ngut ki Cardinal, iwa man leh iwa boon dooh wow jied ya u Pope.
U Pope wa thymme toh uwa em 69 snem i rta uwa da kha ha Chicago uwa ye u klam leh boon tylli ki jait ktien wa kynthup ya ka English, Spanish, Italian, French wa Portuguese wei tip u leh wow puræ yei ktien Latin wa German. Da chakri u palat 20 snem ha ri Peru heiwa da man u kam u Bishop wei da man noh u leh kam uwa chong chnong kani ka ri. Chwa wow khlaad u Pope Francis, da ksoh u ya ka kyrdan wow pait yei jied ya ki Bishop hapoh waroh kawi ka pyrthai.
Da man u leh kam u dkhot ka Order of St. Augustine, wei da sariem u kam u Pope Francis uwa da yaleh neibynta kiwa dooh wa duk kamjooh kiwa hap yut chnong.
Da pynlut u yei por u cha baar ka United States wei da pynkyntang ya oo ha u snem 1982 hei rta wa 27 snem.
Discussion about this post