Da jop chwa ki kyrtong ka NPP wei daw yoh ki leh u man Montri sorkar pyrdi, kob u Sanbor

Uwa yahkhmat ka BJP uwa man leh u MLA ka South Shillong, u Sanbor Shullai da kob u wa deiwa kyrchaan lang ka BJP, i jop u lai bait ko 100% cha ka Dr. Ampareen Lyngdoh wa 100% cha ka Agatha Sangma kiwa man ki kyrtong ka NPP na Shillong wa Tura.

U Sanbor da kob chwa u leh wa waroh ar ngut ki kyrtong kynthai yong ka NPP daw jop ki ya kani ka Election, wei lyngba ka bhah kyrpang ya ki kynthai da tikna wa waroh ar ngut daw yoh ki wow chong ha ki chuki kam ki Montri ka sorkar pyrdi.

Da ong u leh wym em iyi iyi i sñiaw wow kyrchaan ya ki kyrtong yong ka NPP, deiwa pynrap wa em ki ka laad wa ye ki wow yoh man Montri, wei heitæ u ye wow wanrah ya ki kaam pynroi yow pyndooh yei duna kreh.

Da ong u leh wa ngait skem wa ki paidbah ym biej de ki wei ym ya kynthih kulmar de ki deiwa e bait cha ka NPP.