U Symbood Montri Rangbah ka jylla uwa pait ya ka chnat Kaam Pohyung (Police), u Prestone Tynsong da ong u wa ka jylla Meghalaya da jubab ko ya kitu kiwa pynbaad, la toh ki laad pathai khubor na rithor næ kiwon kiwon kiwa da batai stat deiwa pynbaad wa ki paidbah kani ka thaaiñ wa ka jylla Meghalaya toh kiwa sih ki wym man wei ym em de man chngaaiñ.
Da ong u wa kitu kiwa klam wei kiwa e khubor ak pliah daw chah pynbaad kylla ki wei daw dooh ki yei chaniah.
Hawa klam hajrong i chah kem noh ki 4 ngut ki chynrang kiwa da suba wa emkti wow pynyap ya u Raja Raghuvanshi, u Prestone da ong u wa ka jylla da pynyoo ko wa kini ki 4 ngut deilang wa ka kurim u Raja toh ki bru wa sih wei ki wym toh hi leh na ka jylla Meghalaya, wei ini da jubab ko ya kitu kiwa pynchit wei da dai sarom ko ya ki hi.
Heijooh i por da ong u wa ka sorkar daw pait ko leh ya kitu kiwa pynbaad chawa palat hajrong ini wa jia ya kiwa ka sorkar ym maap ko wei neiliang ki pulit dadep ko wow ujor leh da ka FIR.
Discussion about this post