Da ka 144 CrPC pynkreh u DC yow khang yei sait that sait kari ha ki wah

Jowai : U DC ka West Jaiñtia Hills District da pyntip u wa hadien wa da yoh yutip u na u Assistant Executive Engineer, PHE wa ha ki por tlang, ka wah Myntdu da chah ktah joor bha ya ka nei sait that, sait tiar, sait kari ki bru ha ka wah, da pynman ko yow DC u chim noh da ka rai hei yatoh wa ini.

Yow yada ya ka wah yow man ko kawa dang hoi u dih, kamjooh ya i chait i khiah ki mrad wa ki bru, u DC da pynkrehkaam u da ka Section 144 yong ka Code of Criminal Procedure 1973 deiwa khang noh ya waroh kam i :

Da khang wym hoi de u Sait that, sait tiar harood kamjooh ha pyrdi ka wah, ha waroh ki wah wa em hapoh ka District West Jaiñtia Hills.
Da khang wym hoi de u sait kari harood ka wah kamjooh ha ka wah, ha waroh ki wah wa em ha West Jaiñtia Hills.

U DC leh da ong u wa waroh kiwa mih na ki sabon, ki surf, ki phniang na ki kari manda kleh ki waka um pynsih ki ya ka um hadooh wa ki dakha leh ym ye de ki u im kamjooh leh pynman ko ya ka um kawa khlan ha ka Acid ka wym hoi de u dih ki bru.