Da ka 1st Kiang Nangbah Excellency Award u e ka SBYWA

Khliehriat: Ka Border Youth Welfare Association (SBYWA), Elaka Lakadong & Rymbai, East Jaiñtia Hills District, Khliehriat ha ka Central Executive Committee (CEC) kawa man ha ka 3 tarik uni u bnai ha Open Hotel, Ladrymbai da rai ko wow pynkupburom ya ki khynnah puræ yong ka thaaiñ kiwa wan chakhmat dooh da ka “1st Kiang Nangbah Excellency Award 2019” ha ki kyrdan waphær waphær kam chibynta wow pynchlur wow e mynsien ya ki khynnah puræ heijooh i por kamwa kynmoo warom ya u khlawait yong ka Ri Pnar.

Kini hawah toh ki kyrdan kiwa ye u yoh ya kani ka Award:

1. Kiwa ye u yoh toh ha ka Class-10 (SSLC-65% chajrong) wa Class – 12 (HSSLC-55% chajrong) 2019.
2. Ha ka kyrdan Graduate daw saam nadooh  B.Sc, B.A., B.Com kiwa yoh 50% chajrong toh kiwa ye u yaleh, tangwa ya ki khynnah wa puræ nawa sdang wow chong Class nadooh wa sdang ka Semester donhi na u snem 2017 hadooh uni snem 2019 kiwa ye wow yoh ya kani ka Award tang kiwa heh marks dooh.
3. Da khut leh ya waroh ki khynnah puræ kiwa da pyndep ya ka Master Degree kam M.A, M.Sc, M.Com wa kiwa pyndep Ph.D ha ki kyrdan waphær waphær wow thap ya ki kot ki sla yong ki.

Kamtea ka seiñ daw jied ko du le ngut donhi wei du ya kiwa heh Percentage dooh ha kawi ka Class ha ki kyrdan wa puræ iwa mut 3 ngut ha kawi ka kyrdan puræ.

Ki kot wa emkaam wa ye u phah cha u Education Secretary toh ka Xerox Copy yong ka Marksheet, Admit Card, ST Certificate, EPIC wa Residential Certificate.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kani ka Award daw saam ha ka tayaw khaddooh yong u Naichiphaw 2019 wei da khut da kyntu ya ki khynnah puræ yong ka thaaiñ wa kynthup ya ki chnong nadooh Leilong, Leijri, Huroi, Hingaria, Kwator, Borgkhat, Natbor, Pdengwahkhyriam, Demlakang, Lama, Lakadong Ummat, Lad Lakadong, Lakadong Umlatdoh, Umlyngsha, Bataw, Pynurkba, Deiñsatlang, Ladwahwapung, Umsatai, Shilliangumshong, Iapmala, Suchen Shnongrim, Suchen Dhana, Suchen Mulieh, Suchen Iaraiñ, Lumskhen, Rngad, Wahsarang, Deiñshalalu, Lumputhoi wei wow ekti ya ki kot ki sla ha u E. Suchen, Education Secy. Phone No-8837271569, Genl. Secy. Phone No- 9366707383.

Kani toh katkam ka yutip na u S. Shadap , President SBYWA, EJHD.