15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lai bait i chna yaka yung dorbar thymme ha Mawdiangdiang

0 Comments
Advertisement ad1

Shillong: I chna yaka yung thymme yong ka yung dorbar chna aiñ namo ka Meghalaya Legislative Assembly Building da lai ko chaaid chaaid katni ha New Shillong Township, Mawdiangdiang.

I chna ya kani ka yung dorbar wa thymme da sdang ko nadooh ka 15 tarik u Naiynru uni u snem hadien wa ka sorkar jylla da pyllait ko ya ka Work Order cha kawi ka Company na Uttar Pradesh, ka Rajkiya Nirman Nigam Ltd.

Ha i lai pait ki kattu katni kiwa thoh khubor da chem wa katai ka kaam da lai smat bha ko. U Executive Engineer ka chnat PWD (Buildings), u R. Sutnga da pyntip u wa kani ka yung dorbar thymme u em ko hadooh 3 mala nadooh ka mala wa hapoh dooh ha i heh wa 55,000 Square Feet.

Da pyntip u leh wa da booh por wow pyndep ya katai ka yung hapoh 30 bnai wei daw e kti noh ya kani ka yung dorbar wa thymme cha ka sorkar jylla hapoh ka 14 tarik u Duiatra (Jan) yong u snem 2022.

Da ong u wa kamwa man katni i kreh da lai i chakhmat wei du hapoh arsnem da ye wow pyndep, wei chong leh ha i em poisa yong ka sorkar.

Hawa kylli yei em ki wakreh, neiliang u Deputy Project Manager ka Rajkiya Nirman Nigam Ltd, u Nadeem Kausar Nasiri da pyntip u wa em palat 200 ngut kiwa mylla ki wa kreh miet wa sngi wa kynthup leh ya 13 ngut ki Engineer wa 15 ngut ki Technician.

Ya kani ka yung thymme da chna da ki kor katkam ka juk wa katni wei katkam wa pyntip u Sutnga ya kani ka yung da pynchna yow lait ko leh nei chah ktah lada wan u khmi.

Da pyntip u leh wa ka High Powered Committee ha u Thohlahkhmi (Feb) uni u snem da e ko ya katai ka kaam wow chna yaka Assembly Building thymme cha ka Rajkiya Nirman Nigam Ltd. ha i lut kawa T.127 klur.

Share this:
Previous

Pdiang ka SBYWA ya ki dkhot wa thymme

Next

Da ka 1st Kiang Nangbah Excellency Award u e ka SBYWA