15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da ka 6th Jaiñtia Meet 2017 u pynman ka JSU-1

0 Comments

Shillong: Ka seiñ Jaiñtia Students Union-1 Shillong Circle da pynbna ko cha waroh ki khynroo khyllood kynthai wa chynrang kamjooh ki manbei manpa na ri-loom Jaiñtia wa chong wa sah, wa kreh ha Shillong wa daw pynman biang ya ka yachemlang kawa da jooh leh man la u snem.

Ka seiñ da pynkylla ko ya i pyrtuid kani ka yachemlang man u snem na ka 5th Fresher’s Meet Cum Get Together 2016 cha ka 6th Jaiñtia Meet 2017 khnang wow yoh kiwa em ha Shillong wow yachimbynta.

I thmu ka seiñ toh wow yachemlang ki waroh nadooh ki khynroo khyllood, ki manbei manpa, na ri-loom Jaiñtia wow wanrah yei yatylli wei i yatipmit.

Da pynbna wa daw sdang chwa daka Football kamwa jooh leh man u snem wei daw e ya ki form nadooh ka 1 Naiynñiaw wei emkaam u submit ya ki chwa namo ha ka 15 Naiynñiaw wei u sdang ya ka yakop nadooh ka tayaw wa khaddooh ujooh u bnai. Ya ki yalehke daw pynman ha ki sngi Chohthat khnang wow yohlaad ki khynnah puræ u yachimbynta ha kani ka yalehke.

Ya ki form ye u yoh na Daplieh Educare Office ha Jyllishop pyrchah ka Rani Motor, Colin Xerox Jyllishop pyrshah u Dr. Bernand wa na Ribok Laitumkhrah pyrchah ka Post Office.

Da pyntip ko leh cha ki khynnah wa pass bha ha ki exam waphær waphær ha Shillong kiwa na ri-loom Jaiñtia kam ka dak wow e mynsien ya ki daw saam ya ki award cha ki.

Ya ki form ye u yoh nadooh ka 4 Naisaphra wei wow submit ya ki hachwa ka 19 Naisaphra chirrup wa ki kot ki sla kam ka sabut (Marksheet, Admit Card, ST, Dur artylli) wei ya ki form ye u yoh na ki jooh ki thaw wa e ya ki form yong ka yakop Football.

U saam ya kini ki award man ki kamni SSLC, CBSE, ICSE 80%; Arts Stream HSSLC, CBSE,  ICSE,  65%; Science Stream HSSLC, CBSE, ICSE,  75%; Degree B.A,  B.Com, B.Sc, BBA, BCA,  60%; Master Degree M.A,  M.Com,  M.Sc,  MBA, MCA 60%; B.Ed 2016-2017 1st Division.

Haka sngi khaddooh daw pynman ya ki program waphær waphær kamwa jooh leh wei ya ka tarik wa khaddooh daw pyntip won hadien.

Kani toh katkam ka khubor na u WM Bareh, Education Secretary, JSU -1 Shillong Circle .

Previous
Next

0 Comments

Leave a Reply