theme-sticky-logo-alt
theme-logo-alt
Advertisement ad1
Advertisement ad1

Da ka AK-47 pynyang kiwa lute ya ka Petrol Pump wa em ha Ri-Bhoi

Ha iwi i jia chah lute wa rap leh deiwa rap phær da jia i ynnin ka janmiet heiwa ar ngut ki bru kiwa da tymmoh bha yei dur, da rah ki da ka suloi AK-47 wa kawi ka suloi wa khian wei da lai ki wow lute na kawi ka thaw thap phñiang namo ka Petrol Pump kawa em ha ka sarokbah yong ka chnong 14Mile, Ri-Bhoi District. 

Kani ka Petrol Pump toh kawa tip pyrtuid kam ka Highway Carrier Refilling Center kawa da mantre da u Paul Keising Nongrum wa u C.L. Sethia heiwa da chah lut ko ya ka poisa kawa da poi cha ka T. 2.50 lak ha kini ki bru wym ye u tipmit.

Katkam i batai yong u Manager wa ki wakreh, da ong wa kini ki bru da wan ki da ka thuk-thuk Pulsar wa em rong yong wa i rong soo kiwa da psiah yabor ha ka thaw wa pynlang poisa deiwa kynjat ya ka dwar wei da pynyang ki da ka suloi AK-47 wa kawi ka suloi khian wei da phah pynyoo bait ya i thaw booh poisa wei da chim lut ki ya ka poisa waroh kat wa em hei thaw wa booh wei da knieh leh naka kti yong ki wakreh ha kani ka thaw wei da yut ki sak cheiliang ka Sonapur mar ya dep lute.

Mar ya jia ini, neiliang yong u Manager da pyntip noh u cha ki pulit yong ka Byrnihat Out Post kiwa da poi wut-wut ha kani ka thaw neibynta wow lum yutip kawa bniah wei ka takit dang lai ko chakhmat neibynta wow yoh kem ya kini ki damok.

Share this:
Previous

73 ngut kiwa dang yoh wa 7 ngut kiwa chait ha Meghalaya

Next

Da ka Ambulance e u MDC cha ka thaaiñ Nongjngi