Ha ka 28-12-2021 u MDC yong ka 9-Nongjngi Constituency u Eveningstar Teron da e u da ka Ambulance lyngba ka Scheme Special Assistant Grant (SAG 2020-2021) neibynta wow chakri wei wow pynsuk ya kiwa chong chnong ka thaaiñ Nongjngi.
Ha katai ka sngi chwa wow ekti ya katai ka Ambulance da em ka yalang ha Madan Thadlangpai Ionglwit ha i por chiteiñ sngi wa pynlai da u Chairman ka Ambulance Committee, u Hermon Samati wei da yoh ya i klam pdiang sñiawbha na u Assistant Waheh Chnong Ionglwit, u Wilas Pale wei heijooh i por uwa man kam u Pator ka Raij Nongjngi.
Da ya emlang leh ki waheh yong ka thaaiñ nadooh ki Waheh Chnong, ki Secretary Chnong, ki dkhot Committee yong ki chnong waphær waphær kiwa haap hapoh ka thaaiñ Nongjngi wa kiwa chong chnong wei da yoh leh ya i klam na ki waheh yong ka thaaiñ wa kamjooh na u MDC.
Ha katai ka sngi da pynskem leh ya kiwa kikaam ka Ambulance Committee Area Nongjngi:
Chairman- Hermon Samati
Assistant Chairman- Rihas Nongkrem
Secretary- Nidapynkhuid Tyngkra
Assistant Secretary- Jewel Nongkrem
Publicity Secretary- Arsuk Tyngkra
Treasurer- Ebormi Pale
Executive Member- Waroh ki Waheh Chnong wa Secretary Chnong yong ka chnong Lumlyngdoh, Khliehshnong Nongjngi, Moolephaw, Iongthma, Iangkar, Lumtrep, Ionglwit, Moorapuchai, Lumstong wa Takhniang.
Waroh kiwa klam ha kani ka sngi da e khublei ki ya u MDC wei da kitbok kitrwiang ki ya oo wow nang ye u wow chakri bha ya ka dong ka thaaiñ wa ya ka Constituency waroh kawi.
