Da ka Ambulance u e chakri ka Kur Dkhar ya ki paidbah ka East Jaiñtia Hills

Jowai: Ynnin ka 18 tarik man ko ka sngi wow sah kynmoo ya ka Kur Dkhar ha ka chnong Jalyiah, East Jaiñtia Hills hadien wa da wai paidbah ya ka kari kit bru hawa chitom namo ka Ambulance yong ka Kur.

Ya kani ka kari da wan wai da u montri ka tnat Social Welfare uwa man leh u MLA ka thaaiñ, u Kyrmen Shylla deiwa ah ya u ribbon kam ka dak wa da wai paidbah ya ka.

Ha kani ka sngi da emlang leh u waheh chnong ka chnong Jalyiah u Harwis Phawa, u Secretary Chnong u Phrangki Siangshai, ki dkhot ka chnong wa ki Executive Member yong ka Kur Dkhar.

U Kyrmen hawa e i klam kam u kongsan da kitbok kitrwiang u ya ka kur kamjooh da kyntu u ya ki wow man ki kiwa kreh chitom neibynta i bha i miat wa i myntoi ka kur wa kamjooh leh ka imlang sahlang.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kyntu u leh ya ki wow man ki kiwa sumaar wei wow lehkhooid ya kani ka kari kawa em myntoi hawa emkaam.

Ha kani ka sngi neiliang u Secretary ka Kur Dkhar, u Chirup K. Dkhar da khana u wa kani ka kari ka Kur man ko ka wow pynmyntoi ya ka kur Dkhar kamjooh leh ya ka chnong ka thaw wa ka District kamjooh heipor wa kjut chitom saja ye ki u pynemkaam heiwon iwon i por.