Jowai: Katkam wa pyntip ki pulit da ong wa ha ka 17 tarik uni u bnai heipor 2 waje i sngi da mih i awri awra hapyrdi ki ar tylli ki manyung hadooh wa chah da poi u pood wow chah ah ka kti kawi ka manbei.
Kini ki manyung toh yong u Raju Ray, u Robi Ray wa ka yong u Molin ha kawi ka liang wa u Jontu Ray ha kawi tawon ka liang kiwa em ha ka chnong Raypara kawa haap hapoh ka Mahendraganj PS (SWGH).
Ha ini i awri, kiwa ha yung u Raju Ray da ah ki ya ka kti ka kurim u Jontu Ray.
Ya kawa chah ah kti da kit cha CHC ka Mahendraganj wei hadien won da phah cha Civil Hospital Tura yow yoh yei sumaar wa bniah.
Ha ka 16 tarik won u Rujen Marak wa kiwi kiwa na ka chnong Megagre Songgitcham, EGH da ujor ki wa u Babula N Sangma (40 snem) da ah u pyn ya ka kti u khon yong oo uwa dang 15 snem.
Ki pulit da kem ki ya uni u pa uni u khynnah.
Discussion about this post