theme-sticky-logo-alt
theme-logo-alt
Advertisement ad1

Da ka Animation Film pynlait ka Khooid Ya Ka Wah Myntdu wow kyrsu thiah ya ki bru wa chong chnong

Ka seiñ Khooid Ya Ka Wah Myntdu ha ka thong wow yoh yei yakrehlang yong waroh ki bru wa chong chnong ka Ri Jaiñtia ynne ka sngi Pynsiñ da pynlait paidbah ko ya ka ka Short Awareness Animated Film.

Ya kani ka phlim tbian yow pynsñiawthooh paidbah da pyntoh pyntne da u Wanhi-I Challam waman uwi na ki khon khynroo ka chnong Jowai wa em sap heiliang i dro dur wei wow pynmih næ u chna ya kam kini ki jait Video deilang i yarap kiwi ki lok wa kynthup yow Daohi Mannar, ka Pynhunmiki Sungi wa ki bru yong ka Rinakini Production.

U Khroo Lamsalanki Pariat, President Khooid Ya Ka Wah Myntdu hei e kyntien hajrong i ye u pynmih ya kani ka jait Video, dap u dei sñiawngooh wa khroo ya u Wanhi-I Challam deilang wa kiwi ki lok yong oo kiwa da chim ka yukit wa khia wow pynmih pyrthai ya kani ka Video kawa man chibynta ka luti wow kyrsu kyntu wei e mynsien ya ki bru wa chong chnong ka Ri Jaiñtia wow man kiwa sñiawkhia yei man ka wah Myntdu kam kawi na ki wah wa psa umbaam umdih wei e myntoi ya ki bru wa chong chnong ha kiwa boon ki liang.

Chooh chooh da ong u leh wa yooluti na kani ka Video chirup ki laad ki luti wa da chimkhia ka seiñ Khooid Ya Ka Wah Myntdu na ki por cha ki por, ka sorkar u tipmit noh ki ka ka wah Myntdu kattu neini chakhmat kam kawi na ki wah wa kyrpang wa kyntang yong ka chnong Jowai kamjooh yong ka Ri Jaiñtia.

Share this:
Previous

Da pynkut yei lehkmen Silver Jubilee Celebration ka LSYA Mission Compound Jowai

Next

Chah pynman blang kñia kiwa chongdai manda chah khang da ka yaw: JTTA