Da ka Bike Rally, i saam kot, i pynsñiawthooh da leh pyrchah yei pynemkaam drugs ha EJH 

Ka International Day Against Drug Abuse and Illicit Trafficking hajrong ka phang “Addressing Drug Challenges in Health and Humanitarian Crisis” da lehwarom ya ka ynne ka sngi ha Dong Wahshnong L.P. School, Rymbai, East Jaiñtia Hills District. 

Ya kani ka lehwarom da pynman da ka yung krehkaam ka District Social Welfare Officer, East Jaiñtia Hills District hei yakrehlang waka yung krehkaam u District Medical and Health Officer; Adolescent Health Clinic, Khliehriat waka Meghalaya State Rural Livelihood Society wa ki Self Help Group (SHG).

Ka R. Passah, District Social Welfare Officer hawa e yei klam da ong ko wa ya kani ka sngi da lehwarom ha ka 26 tarik Naiynru wow pynsñiawthooh paidbah ya i maa wa mih na i pynemkaam bakla ya i drugs wei kammon ktah i ya ka imlang sahlang. 

Da ban joor ko leh hajrong i pynemkaam yei drugs iwa man pyrchah ya ka aiñ heiwa em i dai i thied wei da pyrchang kammon wow pynduna yeini deiwa pynman ya ki yalang pynsñiawthooh paidbah chaphang kammon ktah i drugs kamjooh leh i kiad ya i doh i pran u bru, ya ka manyung wa khamtam ka imlang sahlang. Da kyntu ko ya ki manbei manpa wa ka imlang sahlang wow kreh chirup wa ki chnat sorkar wa ki seiñbhalang wow pyndooh yeiwa sih napoh ka District. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka R. Patlong, Programme Manager, MCSWA da batai ko hajrong ki jait drugs wei da ban joor ko hajrong ki kyrdan nadooh i por wa pyrchang, i yoh ya ki drugs, i chah pynchoi ha ki lok, hadooh wa poi i por wa kyrni hei pynemkaam bakla ya ki drugs wa kiwi kiwi. Da ban joor ko leh kammon ktah i drugs ya i yoh i laa ka manyung, kammon ktah i ya ka imlang sahlang wei khamtam ka manyung, i puræ puthi kamjooh i chah paitkhmat chah yoobeiñ ha kiwi. 

U W. Lato, Sub-Inspector na ka yung krehkaam u Superintendent of Police, da batai yillu u hajrong ka Narcotic Drugs and Psychotropic Substances (NDPS) Act, 1985.

Ka Daphihi Passah, Adolescent Health Counselor, Khliehriat Civil Hospital, wa u P.S. Dkhar, Supervisor ka  District Social Welfare Officer da e ki ya ki kyntien khublei.

Ha kani ka sngi da saam le ya ki khusnaam cha kiwa jop ha ka yakob dro dur, da pynman leh ya ka Bike Rally wa pynman da ka yung krehkaam ka District Social Welfare Officer chirup wa ka Tuber Biker’s and Tour Association deiwa lai na Tuber Kmaichnong chadooh Dienchynrum wei da saam leh ya ki kot lakdop cha ki paidbah.