Ka dhab ki Montri ka sorkar Meghalaya Democratic Alliance (MDA) da rai ko wow pynbait noh ya i chah kyntoor pood ki thaw sorkar ha ki paidbah ha ki 2 tylli ki dong wa kynthup ya ka Balsrigittim waka Warimagre kiwa haap hapoh ka Williamnagar, East Garo Hills District.
U Montri Rangbah ka jylla, u Conrad K Sangma hawa klam hadien wa kut ka yalang da ong u wa ha u snem 2002-03, da chim ya i rai da ka dhab ki Montri wow pynbait wa ki paidbah kiwa da sah tooh ha ki thaw sorkar hapoh Williamnagar, tangwa nadooh u snem 2003 hadooh katni ympu ye wow pynkrehkaam yeini.
Da ong wa ha kani ka kynti kani ka sorkar da rai ko wow pynkrehkaam noh ya ini i rai ka sorkar warim ha ki 2 tylli ki dong (Locality) kitæ ka Balsrigittim wa ka Warimagre, kiwa em kamwa 1,200 tylli ki manyung.
Da ong u wa i pynbait u man i deiwa soi soskular wow e wai kawa yinsur wa kini ki manyung, deiwa pynrap wa i mantre ya kini ki thaw u man bait i yong ka sorkar.
U Conrad da ong u wa ki thaw wow e wai u man i du hapoh 10,000 sq/ft kawi ka manyung wei i dor u man i katkam i dor khyndaw ka GHADC, wei daw kheiñ katkam i heh i thaw wa chong wa sah ki.