Da ka Case toh u MLA ka BJP wa thaap ya uwi u pulit

U MLA ka BJP hapoh ka jylla Maharashtra da chah Register Case u neidaw wa chah pynbaad wa thaap u ya uwi u pulit wa man kam u Constable heipor wa dang leh u yei kaam namo dang em Duty u.

Ini da jia i hadien wa poor iwi i Video ynnin ka sngi heiwa uni u MLA wa tip kam u Sunil Kamble uwa mihkhmat yaka Pune Cantonment Constituency da chah riñ dur u wa thaap u ya uni u Constable ha ka yalang wa da pynman ha Sassoon General Hospital wa em ha Pune.

Neiliang uni u Constable da ujor u pyrchah ya uni u MLA wei da Register Case ki pulit hapoh ka Section 353 ka IPC kawa yatoh wa i chah tba kti kiwa chakri paidbah heipor wa dang leh ki yei kaam yong ki.

Ha ini i Video wa da poor, u Kamble dang hiar rana u hadien wa kut ka yalang wei da chynthut u heiwa uni u pulit da pyrchang u wow yarap oo tangwa da chah thaap pathan u.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Neiliang u Kamble da kyntait u wa tba kti u deiwa ong heipor wa hiar rana em wa pynthut oo wei da ngiat u ya uni u bru yow yoh u lai luti.