Da ka CBI u takit pan ki arseiñ hajrong i iap bru ha thanat Jowai

Jowai: Ka Hynniewtrep Youths’ Council-Jaintia Hills District (HYC) wa ka Jaintia National Volunter (JNV) ynne i janmiet da pynman ialang paidbah ko deilang wa i thang mombati ha chrooh thanat ha thaw yein bus ka MTC ha i por 5:30 i janmiet.

I pynman iong kine ki arseiñ ia kani ka thang mombati toh kam chi bynta wow pyrchah joor ia i iap kattu la le ngut ki bru hapoh ka thanat ka Jowai Police Station, iwa hadooh katni leh ym pu che ki paidbah wa kamon iap kini ki bru.

Kini ki seiñ da pan ki naka sorkar watoh u thung takit noh ko da ka CBI yow ioh u chem iyi wa jia ia kini kiwa da khlad, wei kiwa ha iung ha sem ki leh em ki i hok u tip. Kamjooh leh yow ye u pyndooh noh neini cha khmat ia kam kini ki jingjia wa sniawsih.

Ha kani ka sngi da wan lang wa kiwi won ki seiñ bhalang deilang wa ki paidbah waboon wa chim bynta ha i thang mombati kam ka dak sniawlem ia kiwa da iap.