theme-sticky-logo-alt
theme-logo-alt

Da ka Compost Plant u chna ka sorkar heiyatoh wa i jhep ha Jowai

Advertisement ad1

Ka mukotduma wa da yaleh da ka Synjuk Waheh Chnong Jowai heiyatoh wa i thaw noh jhep da chong bichaar biang ya ka ynnin ka sngi da ka High Court ka Meghalaya heiwa ka sorkar jylla da khana ko wa da pynkhreh yow chna da ka Compost Plant yow pynkylla sboh yei jhep yow yarap u pynsuk yei kaam jhep ha Jowai.

Neiliang ka synjuk da jubab ko wa i jhep da sdang lang biang i kamtæ da emkaam jhan wow pynlang noh yei jhep.

Advertisement ad1

Ka yung bichaar da ong ko wa lada man katwa man leh emkaam ya ka Municipal Board ka Jowai wow leh yow lait u pynslem chooh chooh neibhah ym ye u pdiang yeini i lang i jhep ha sarok wa ha yung ki bru wei toh i kaamram ka Municipal wow pait kammon wow leh hanla da dep pynkhreh wow booh ya ka Compost Plant lane kiwi ki laad wow pynbait yeini i eh deiwa pyrkhat jngai.

Kamtæ da e por 10 sngi ya ka jylla wow e ko ya ka bui (Report) deiwa e kti ha u sahep sorkar wow leh yeini yow pyntip hadooh katwon u chimpor u chna ya kani ka Compost Plant wei ka sorkar jylla leh toh u e yarap ko ya ka Municipal kammon wow leh yeini i jhep hadooh itæ i por.

Ya kani ka mukotduma daw chong bichaar biang ha ka 14-09-22.

Share this:
Previous

Sñiawkmen ka EJMSEIA wa yoh ADC da uwa tip chaphang ka East Jaiñtia

Next

Daw pynman ya ka Agniveer Recruitment Rally ha Shillong