15 49.0138 8.38624 1 0 4000 1 https://wyrta.com 300 0
Advertisement ad1

Da ka Computer e ka KSU cha ka Shnongpdeng Upper Primary School

0 Comments

Jowai: Ka Khasi Students’ Union – Shnongpdeng Unit kam chibynta wow kyntu ya ka puræ puthi hapoh ka chnong Shnongpdeng, West Jaiñtia Hills District, ha ka 14 tarik uni u bnai da e sñiawbha ko da ka Computer ya ka Shnongpdeng Upper Primary School.

Chwa wow ekti ya kani ka kor da em ka yalang wa kyrpang ha kani ka sngi wa da pynlai wei da pdiang sñiawbha da u President ka Unit u Kindly Khyriem, da yoh yei klam na u Dapbor Syngkrem uwa man kam u Joint Secretary ka Dorbar Chnong Shnongpdeng uwa da e ya ki kyntien kitbok kitrwiang ya ka seiñ wow kreh chooh ko ya ki kaam wa bha hapoh chnong.

Da yoh leh i klam na u Laitphar Syngkrem wa man kam u President yong ka War Jaiñtia Circle, u Leningrad Tariang Organising Secretary Jaiñtia Hills District, u Dakishanlang Malngiang wa man kam u Assistant Office Secretary ka seiñbei.

Neiliang ka Headmistress ka skur, ka Radiancy Talang da e khublei ko ya ka seiñ waroh kawi nadooh na Central Body, District, Circle wa Unit kiwa man ki chnat krehkaam ka KSU.

Da yoh yei klam sneiñ kyntu ya ki khynnah skur na u Ohibait Dkhar wa man kam u President ka Jaiñtia Hills District Unit wei da e i klam khaddooh na u kongsan u Manly J. Nongpluh uwa man kam u Finance Secretary ka seiñbei hajrong ki kaam e sñiawbha yong ka seiñ khamtam ha ki thaw puræ puthi katwa ye deiwa kitbok u leh ya ka skur wow ku ko chaphrang hajrong ki kaam yong ka.

 

Advertisement ad1

0 Comments

Leave a Reply