Ka National People’s Party (NPP) Iawmusiang Unit ynne da pynman ko ya ka Cross Country Marathon kawa da sdang na nan Thadlaskeiñ wei da pynkut ha madan Jrisaleiñ Chutwakhu, Jowai.
Kani ka yaphet pyllah toh kawa da pynman hajrong ka phang wa ong “Run-Say No To Drugs” wei man ko neibynta waroh wow chimbynta ki chynrang wa kynthai nadooh kiwa dang khynroo, ki khynnah wa kiwa da heh rta.
Ha ki chynrang da yoh nyngkong u Mebansainborlang Pathaw, hei wa ar da yoh u Dabit Dkhar katwa hei wa le da yoh u Teiboklang Biam.
Ha ki kynthai da yoh nyngkong ka Phyrnai Kyndait, hei wa ar da yoh ka Jidalin Tympuiñ katwa hei wa le da yoh ka Mary Queen Pale.
Kiwa yoh nyngkong da yoh ki Rs. 10,000, kiwa yoh wa ar Rs. 7000 katwa kiwa yoh wa le da yoh ki Rs. 5000. Da saam leh 7 tylli ki Consolation Prize kiwa mar Rs. 1500.
Na kiwa heh rta dooh da jop ka Romika Pyrtuh katwa na kiwa khian rta dooh da jop ka Na I Saka Kyndait kiwa da yoh mar Rs. 2500.
Discussion about this post