Da ka Droma wa klam yei leh tooh ha ka Exam DSC, kam wow kynmoo ya ka tayaw RTI

Jowai : Ka Theatre Group ka Thomas Jones Synod College ynne ka sngi da pynman ki ya ka droma wa tbian (Street Play) ha MTC Bus Stand, Iawmusiang Jowai yow pynkynmoo ya ki paidbah yei bor ka aiñ RTI yow pyndooh ya ki kaam baamtooh kamjooh yow pynyoh yei hok ki paidbah.

Ha kani ka sngi ka parom kani ka Street Play toh chaphang u wi u khynnah wa yalehkreh sorkar tangwa da dooh noh u yei hok yong oo neidaw wa kiwa boon da leh tooh ki heipor thoh exam kamtæ da booh u da ka RTI wei hadien da chem yei leh thok kiwa boon hadooh wa haap pynman sa chisien ya ka exam wei da chah pynchitom kiwa emkti hei leh tooh.

ADVERTISEMENT

Ya kani ka Street Play da pynman da ka ophis u DC ka WJH hei yakrehlang wa ka MATI kam chibynta ka RTI Week yow pynchlur ya ki paidbah wow pynemkaam ya kani ka aiñ.

Related posts

Ka Result Lucky Draw 2026 ka Dorbar Chnong Salaroh

October 21, 2026

Khut ka Jaiñtia Artist Association chei sdang ya ka seiñ kiwa pynwyrngia paidbah

October 20, 2026

Ya ka aiñ RTI da pynkrehkaam ya ka ha 12 Naichiphaw (October 2005) wei da pynman aiñ ya ka ha ka 15 Naiynru (June) 2005.