Ka Public Hearing ka Shree Cement Limited wa da pynman da ka Meghalaya State Pollution Control Board ha Khara Siang Lum Pyrshin ka chnong Daistong kawa em hapoh Nongkhlieh Elaka, East Jaiñtia Hills District, ym em chah ya kiwa na baar ka Elaka wow wan chibynta ki.
Ka seiñ JNC kawa da lai cha kani ka Public Hearing da chem ko wa da booh da kawi ka Truck Dumper ha pyrdi sarok wei da em leh ki bru kiwa da yang yow khanglaad ya kiwa na baar wow psiah ki.
Neiliang u President ka JNC, u Sambormi Lyngdoh da ong u wa ya kani ka Public Hearing ym em da pynman deiwa laitlooid tangwa deiwa pyntieñ pynsmiej ya ki bru heiwa da em ki bru leh kiwa da tymmoh yei dur i dar kiwa rah dieñ wei kiwa da sma kiad.
Da pyntip leh wa neidaw wa booh ya kani ka Dumper, hadooh u DC leh da hap u wow hiar na kari yow lai dei kjat iwa pynyoo wa wot u DC leh ym em bor u hakhmat kini ki bru.
Chooh chooh da ong leh wym yoo pulit tangwa da em bait da ki bru wa sap Mask wa em ha tympbud luti kiwa pait yei lai i wan.
U Sambormi da kam u leh wa kitu kiwa chong chnong kiwa pyrchah ya kani ka karkhana da chah dat ki hawa mut ki wow lai cha kani ka Public Hearing.
Kamtæ da ong u wa la kamni da tyngkheiñ ya ki kyndon pynman Public Hearing neibhah waroh kiwa chong chnong lada wan ki neiwon neiwon leh em hok ki wow lai klam lai chimbynta.
Discussion about this post