Ka Shilliang Umshong Sports Club kawa em ha ka chnong Shilliang Umshong, East Jaiñtia Hills District, hadien wa da yoh ko wow psiah cha ka Super Division yong ka East Jaiñtia Hills District Football Association ryngkat i kreh chitom ki khon yong ka chnong hadooh wa poi cha kani ka thong.
Kamtæ da rai wa hei sien nyngkong wow pynman da ka Fete yow yarap ha ini i lai luti wow yakhun ha ka Super Division ha uni u snem yow yoh mynsien leh kiwa yalehke deiwa pyndap yeiwa emkaam kamjooh yow pynmih poisa yow chna madanbol.
Kam chibynta kani ka Fete daw em leh ka Lucky Draw heiwa da pynlait ya ki Ticket ha ka 28 tarik uni u bnai deiwa emlang u President, Secretary wa kiwa kitkaam yong ka Sports Club ryngkat wa u Waheh Chnong ka Shilliang Umshnong, u Heman Rymbai.
Ya ki Ticket da pynlait paidbah da u Meshwa Dkhar ryngkat ki ktien kyrkhu kyrdoh ya ka Sports Club khnang wa kani ka Fete u man ko kawa jop.
Neiliang ka Club da kyrpaad ko ya phi ki lok ki jor wow ya kyrchaanlang khnang yow ye u pyndep yeiwa da thmu khamtam wow kyrchaan ya ki khon khynroo khyllood yong ka thaaiñ kiwa em ka sap ka phong wow yalehke Sports.
Ki Prize kani ka Lucky Draw man ki kamni ha wah:
1st Prize- Alto K10
2nd Prize- Rs. 1,00,000
3rd Prize- Rs. 50,000
Ka tarik wow pynkhle man ko ha ka 07-10-25 wei i dor Ticket man ko Rs. 30 chi sla.
Discussion about this post