Ka Demthring Sport Club da pyntip ko wa daw pynman ko da ka Football Trial neibynta wow jied ya kiwa yalehke hapoh ka Super Division yong uni u snem wa daw pynman da ka West Jaiñtia District Sports Association.
Ka Demthring da man ko kawa da ku biang cha ka Super Division hadien wa jop ko yaka 1st Division ynnin u snem.
Ya kani ka Football Trial u pynman haka 27-04-24 ha madan Futsal kawa em ha Khimusniang hajan ka yung krehkaam ka chnat PHE, Jowai wei u sdang pynman ka nadooh 10:00 waje i step hadooh 12:00 waje pyrdi sngi.
Kamtæ da khut ya kiwon kiwon kiwa yalehke namo ki Players wow wan ki ha katai ka sngi hachwa 10:00 waje i step.
Ha kani ka Trial daw em leh u Ryum Khonglah uwa man leh kam u Coach yong ka Club wei daw em leh kiwa kitkaam yong ka Demthring Sports Club.
Ha iwi won i liang, ka Demthring Sports Club da pyntip ko wa haka 25 tarik uni u bnai daw sdang ka noh yaki yalehke Second Round ka 2nd Tiger-5 Knockout Football Tournament heiwa ka yalehke u man ko hapyrdi ka One Soul FC pyrchah yaka St Paul FC heipor 1:00 waje i sngi.
Hadien kini daw pynbood won heipor 3:00 waje i sngi hapyrdi ka Death FC pyrchah yaka Obey FC.
Discussion about this post