15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ka Gandhi Jayanti Week pynman ka MBS&G West Jaiñtia Hills District

Advertisement ad1

Jowai: ka 2 tarik u Naichiphaw toh kawi na ki sngi wa khroo wa kyrpang hapoh ka ri India kamjooh ha chityllup pyrthai ya kawa datip deiwi i kyntien kam ka Gandhi Jayanti nae ka International Day of Non-Violence kawa da dep pynbna pyrthai da ka United Nation General Assembly ha ka 15 tarik Naiynru 2007.

Kamtae heiyatoh wa kani ka sngi, ka Meghalaya Bharat Scouts & Guides, West Jaiñtia Hills District, chibynta i leh burom ya ka lyngkhooh snem kha wa 151 u Mahatma Gandhi dachim ko wow pynman ka prokram kyrpang wa chityaw lynter ka wow sdang nadooh ka 2 tarik Naichiphaw wei wow kut wan ha ka 9 tarik yong uni hi u bnai.

Advertisement ad1

Ha ka yalang wai pynemburom næ ka Opening Ceremony yong kani ka prokram da emlang u W. Lyngdoh, Jt. State Secretary MBS&G, State Head Quarter, Shillong kam u kongsan, ka S. Tariang, District Commissioner (G) West Jaiñtia Hills kam ka symbood kongsan, u Ohiwot Laloo, District Secretary MBS&G, West Jaiñtia Hills, ki Scouts Master wa ki Guides Captain.

Ya ka yalang da pynlai da ka S. Shylla, District Organizer (G) West Jaiñtia Hills District wei kam wow kdar luti ya ki bynta wa chakhmat da rwai leh yei sur Maya Ri da waroh ki Scouts Master- Guides Captain neitae pynbood ki kyntien pdiang burom na u Elvis Dkhar, District Organiser (S), West Jaiñtia Hills District katwa ka Chwadaka Laloo, Guides Captain hawa kut da e ko ki kyntien khublei.

U Ohiwot Laloo, District Secretary, MBS&G West Jaiñtia Hills hei khanna pynsñiaw ya ki sarin yong ki prokram waphær yong ka Gandhi Jayanti Week, da ong wa ha kini ki chitayaw lynter ki khynnah Scouts-Guides u yachimbynta ki heitæ i dur i rukom i wow khriñ yei pyrkhat pyrdaiñ yong ki ha ki kaam kiwa yatoh wei rukom im wei man i long u Mahatma Gandhi.

Da pynkyrpang chooh chooh ya kani ka prokram dei yachimbynta ki Scouts Master wa ki Guides Captain wow klam u batai næ pynsñiaw ya ki kyntien kordor u Mahatma Gandhi, kiwa man ki kyntien e mynsien ya ki bru wa em ha kylleiñ ki ri yong ka pyrthai. Chooh chooh da em i leh burom ya ki Best Scouts Master wa ki Best Guides Captain.

Ka S.Tariang hawa klam heiyatoh wa kani ka sngi da pynkynmoo ko ya ki yurim i rukom im u Mahatma Gandhi wei da khutlang ko leh wow boodlate ya ki nongmuna wabha ki yong oo da ka luti yong i maya wei burom kylliang. Neitae e mynsien ko leh ya ki Scouts Master wa ki Guides Captain kiwa da yoh yeini i burom dei wa ong, “Phi toh kitae ki wow rah ya ka charak i che wei miat i bha hakhmat ka imlang sahlang wei kam ki bru kiwa da yoh yei chaniah, ham hun wow kut du heini don i burom, yaleh chooh chooh wow e i chakri wamiat wabha ya ki khynnah, ya ka imlang sahlang kamjooh ya ka ri wa ka jaitbru”.

U W. Lyngdoh hawa e kyntien, iwa hakhmat yaroh u ya ki Scouts Master wa ki Guides Captain kiwa da pynyoo sakhiat ka nongmuna wabha dei wow man kiwa da pynkhreh ha kiwon kiwon ki bynta wei kyrpang leh kyrsu kyntu joor u ya ki Scouts Master wa ki Guides Captain wow man ki bru kiwa ri syndong yei maya wa yei suk i saiñ.

Iwa khaddooh pynkynmoo u ya ki dkhot waroh wymhoi u man ki bru kiwa im nae booh hei kut lad kut luti ha kam ini i por, kam wa yah kani ka juk ka por yaleh wow lai lang chirup deiwa pynemkaam ya ki buit thymme yong kani ka juk Technology.

Share this:
Previous

Ki hukum pynbna Micro Containment Area yaki yung ha Shillong

Next

Pynkup burom ka seiñ Khynroo ka Saphai-B ya kiwa leh bha haka SSLC wa HSSLC