Da ka ‘Hall of Grace’ pynkup burom ka seiñ Manbei ka Balang Catholic ka Mowkyndeng-Madankynsaw ya kiwa kitkaam niam

Jowai: Ka seiñ manbei Catholic Mowkyndeng wa ka Dorbar Chnong ynne ka sngi da pynkup burom ki ya ki bruniam wa ki bru wa khroo wa mih na ka chnong Mowkyndeng-Madankynsaw kam ki Father wa ki Sister wei kamjooh leh ki bru wa yarap wow pynpoor ya ka niam Catholic da ka khusnaam wa da e pyrtuid ya kam ka “Hall of Grace” namo ka yung wa dap da ki kyrkhu.

Ha kani ka sngi da pynkup burom ya ki 30 ngut ki bru wa khroo yong ka chnong wa kynthup ya ki 6 ngut ki Father wa 21 ngut ki Sister wa ki 3 ngut ki bru wa khroo wa kynthup ya ka Sister wa nyngkong dooh ka chnong wa kamjooh hapoh ri-loom Jaiñtia hi waroh kawi ka (L) Sr. Angela Synnah.

U waheh (L) Ioanis lawai Shadap wa u (L) Jacob Syngkon kiwa wanrah ya niam Catholic cha ka chnong wei kamjooh leh cha ri-loom Jaiñtia waroh kawi.

I thmu yong kani ka pynkup burom man ko kam ka dak wow burom wei wow sahkynmoo ya ki bru wa da theh nood wa mynsien neibynta ka niam deiwa mylliñ yei yong ki samen.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani ka pynkup burom “Hall of Grace” toh kawa pynkup burom kawa khroo kawa kynsai tam yong ka dorbar chnong wa kawa da e ka chnong leh du chisien wow burom yei krehchitom kiwa yoh ya kani ka naam.

Ha kani ka sngi da emlang leh u waheh chnong yong ka chnong u D. Shadap wa ki dkhot EC ka chnong, ki seiñ manbei wa ki khon yong ka chnong.