15 49.0138 8.38624 1 0 4000 1 https://wyrta.com 300 0
Advertisement ad1

Toh u chimkhia kiwa synchaar chnong wow dawa tipmit noh ya ka ktien Khasi: Syiem Hima Nongkhlaw

0 Comments
Advertisement ad1
Advertisement ad1
Advertisement ad1

Shillong: U Syiem ka Hima Nongkhlaw, u Pa Syiem Phrestar Manik Syiemlieh da kyntu u ya waroh kiwa synchaar chnong ka Bri Ynñiawtrep wow chimkhia ya ka phang dawa wow tipmit wei wow pynpsiah ya ka ktien Khasi ha ka bynta wa phra yong ka riti synchaar ka ri India.

U Pa Syiem da ong u yeini ha ka yalang wa man ha Madan Iewrynghep, Laitumkhrah ynnin ka sngi chwa i lai paidbah da ka Khasi Authors’ Society (KAS) kam ka dak wow pynsñiaw cha ka sorkar jylla wa ka sorkar pyrdi hajrong ini i dawa.

Kam u kongsan ha Madan ïewrynghep, u Pa Syiem da kyntu u ya waroh kiwa synchaar chnong ka Bri Ynñiawtrep wa kynthup nadooh ki Hima, ki Syiem, ki Lyngdoh, ki Rangbah Shnong kamjooh kiwa mihkhmat paidbah kam ki MDC wa ki MLA wow chimkhia hajrong ini i kaam.

Da kdaw u wa ka jylla ympu em ko wot kawi wot leh ka ktien wa da tipmit ha ka bynta wa phra yong ka riti synchaar ka ri, heiwa da pynkynmoo u wa ha u snem 1960 heiwa da em i yakhih pyrchah yei leh ka sorkar Assam wow pdiang ya ka ‘Official Language Bill’ kawa thmu wow pynkyrpang ya ka ktien Assamese hapoh ka jylla.

Da ong u wa hadien wa pyrchah u yeini i chah pynbor da sdang noh wow yakhih wow dawa jar ka jylla wei ha u snem 1972 da pynkha noh ya ka Meghalaya heiwa da ya kmen ki waroh tangwa da mylliñ won wow tipmit ya ka ktien Khasi kawa man kyrpang hapoh yung dorbar.

Heijooh i por da ban joor u hajrong i emkaam wow tipmit ya ka ktien Khasi neibhah lym kamtæ ka jaitbru daw wiar noh ko.

Da kdaw u wa ka jaitbru Khasi toh kawa chim jait na ka kynthai wei hawa kyruiñ cha ka ktieñ para da ong ‘Mother-Tongue’ wei da emkaam wow burom, wei wow kheiñ kor, wei wow pynneh pynsah ya ka ktien tynre.

U Pa Syiem Phrestar da e yaroh u leh ya ka KAS kawa yakhun ya kani ka kaam la 39 snem kattu deiwa kyntu ya ki paidbah wow e i kyrchaan wa pura ya kani ka kaam.

Advertisement ad1

0 Comments

Leave a Reply