theme-sticky-logo-alt
theme-logo-alt
Advertisement ad1
Advertisement ad1

Da ka Health Camp pynman ka sorkar yow pynsñiawthooh yei emkaam wow chim tika

Advertisement ad1
Advertisement ad1

Ka yung krehkaam u District Medical & Health Officer, East Khasi Hills Shillong hapoh i pyrtuid ka National Health Mission, da pynman ki ya ka Mini Health Mela cum Mega Camp ynnin ka 16 tarik ha chnong Laikyrhong kawa dang em hapoh ka Jongksha PHC, Mawkynrew Bock.

Ya kani ka Mela da pynman yow pynsñiawthooh yei emkaam wow chim yei tika yada COVID-19 wa kiwi ki laad sumaar wa ki Scheme sorkar. Da chimbynta leh da kiwi ki chnat sorkar kam ka ICDS, Sports & Youth Affairs, Agriculture, Sericulture, NRLM, ki Bank wa kiwi kiwi kiwa da pynyoo leh ya ki jar jiar ki kreh wa ki Scheme yong ki.

Advertisement ad1

Da booh leh ya ki thaw yaleh Aadhaar wa ki thaw yaleh MHIS ha kani ka sngi.

Da wan leh wow embynta da u Banteidor Lyngdoh, u Montri sorkar kam u kongsan deiwa emlang ka Isawanda Laloo, IAS, Deputy Commissioner, East Khasi Hills kam ka symbood kongsan deilang Dr. A. Lyngdoh, Addl. DMHO, Dr. S Khonglah, DIO, u LT Tariang, BDO Mawkynrew, ka S Wanshnong, Officer In-charge, Madanrting Police Station, CDPO, Block Medical Officer Dr. I. Syiem, Dr. A K Nongbri, Medical & Health Officer In-charge Jongksha PHC, ki Doctor wa ki wakreh ka chnat i chait i khiah leh da emlang ki.

Ya ka yalang wai pyrda da pynlai da Dr. A. Lyngdoh, Addl. DMHO, EKH heiwa neiliang u kongsan hawa e yei klam cha ki paidbah da ban joor u yei emkaam wow wan chakhmat yow chim yei tika yada na ka khlam. Da ong u leh wa i tika toh iwa ye wow pynchngaaiñ ya ki paidbah wei ym toh wow artatien yei krehkaam ini i tika.

Da pynchlur u leh ya ki paidbah wow chaniah ya ki Doctor wa ki bru kiwa da stat wei ym toh wow chah pynbiej ha ki khubor thok neibhah ka sorkar da yaleh ko katwa ye yow pyntikna wa ki paidbah yoh ki yei yada wei kam kiwa chong chnong toh u kynjoh lang ki ya kiwi yow yoh yei yada.

Ka Deputy Commissioner da ban joor ko yei emkaam wow pyntikna wa waroh kiwa chong chnong u yoh ki yei tika neibhah ka khlam ym pu em kut ko kamwa da yoo ha kiwi ki ri wa da wan ma wan ko. Da ong ko leh wa ha kitu ki ri wa duna kiwa yoh tika em leh boon kiwa yap.

Kiwi kiwa da klam ha kani ka sngi toh u L. Tariang, BDO, Mawkynrew Block, Dr. B Sohkhlet, Psychiatrist, Dr. S Khonglah, DIO waka S. Wanshnong, Officer In-charge Madanrting PS.

Hawa kut ka yalang da pynman ya ka Free Medical Camp.

Share this:
Previous

Daw pynman ka WJHDTA ya ka First Colour Belt Test ha ka 20 tarik uni u bnai

Next

Yoh ka Dr. Norman Tunnel Hospital da ka kor Ultrasound wa Anesthesia Workstation