Da ka kait ha rdang u Asst. Professor ka NEHU booh ki dkhot ka NEHUSU wei chah dat u leh

U Assistant Professor ka Hindi Department ka NEHU, u Dr. Alok Singh da ujor FIR u pyrchah ya u President ka NEHUSU, u Sandy Sohtun deilang wa 5 ngut ki dkhot kani ka seiñ kiwa lai puræ ha kani ka skurbah.

Katkam ka ujor, da ong wa kini ki khynroo da tba kti wei da maham pynyap ki oo deiwa booh da ka kait ha rdang u wei ini da jia i ha ka 24 tarik heipor kamwa 4:45 i janmiet.

Ya kani ka FIR da booh ha Mawkynroh Police Outpost ynne da u Dr. Singh deiwa ong leh wa u President ka NEHUSU wa ki bru u da khang kset ki oo leh hapoh ka kamra krehkaam u. Da ong u leh wa da dat da choh ki oo wei da takha i khlieh, ki kjat wa ki kti u hadooh wym em de sñiaw chngaaiñ u wow em hapoh kani ka skurbah.

Related posts

Thung ka lieñsuiñ ka Amazon dei khmut heipor wa hiar deiwa tyrrah leh ya ki kari | Yap 5 ngut

September 7, 2026

Haap i yung wa em boon kiwa lai puræ wa sah ha Delhi | 5 ngut wa yap da ki dorjon wa dang wiar

September 6, 2026

Da kyntu u leh ya ki pulit wow pynchitom ya kini kiwa emkti ha ini i kaam yow pynneh pynsah yei naam i burom kani ka skurbah.

Ha ini wa jia, u Dr. Singh da khana u wa kini ki dkhot ka NEHUSU da psiah yabor ki cha kamra u deiwa pynbaad wa leh Politics u wei manda paan pynche u da dat pathan ki oo wei i mynsoo u ymtoh iwa joor hadooh wow hap thiah Hospital.