Kam chibynta wow e chakri ya ki paidbah kam ha ini i por wa em i khang sbak neidaw ka khlam COVID-19, ka KSU War Jaiñtia Circle hapoh i yahkhmat ka President ka KSU War Jaiñtia Circle Girls Wing, ka Ladaplin P. Hayong, u Lurman B Talang, General Secretary ka KSU War Jaiñtia Circle, u Platini Mukhim, Publicity Secretary wa ka Damera Pohtam da lai e kti ki da ka kari cha ka Doctor ka Jaraiñ PHC wow pynemkaam kam ha ini i por wa emkaam.
I daw wa pynman ya ka KSU WJC wow e da ka kari toh wa boon ki paidbah ka thaaiñ da ood ki wa emkaam kari wow kit bru cha ki thaw sumaar wei wow kit bru biang heipor wa liwan cha yung.
Ini waroh i chem chitom ki paidbah da pynman i ya ka seiñ wow e sñiawbha da kani ka kari cha ki paidbah ka thaaiñ.
Katkam wa ong ka seiñ neipor cheipor da dawa ko na ka sorkar wow pynbiang ya ka kari kit bru wakjut ha ka thaaiñ tangwa ym em wa mano yeini iwa da wanrah ya i eh i khoo ya ki paidbah.
