theme-sticky-logo-alt
theme-logo-alt

Thoh ka HYC cha u Lahkmen yow pynbiang bordiñ ha Padu wei wow pynlait ya ka Scholarship

Advertisement ad1

Ka Hynniewtrep Youths’ Council (HYC) Padu Unit ynnin ka sngi da ujor ko cha u MLA ka thaaiñ u Lahkmen Rymbui uwa man leh u montri i kaam pohyung ka sorkar jylla, cha u Deputy Commissioner West Jaiñtia Hills wa cha u SDO Amlarem (Civil) Sub-Division, heiyatoh wa i dooh bordiñ ka chnong Padu, Mawjyllang, Mawsku wa haki kyntoit chnong kam ka Padu Shnongpdeng wa Padu Nongthymmai neidaw wym krehkaam wei da sih u Transformer bordiñ nadooh ka 27-05-21 heiwa hadooh katni leh ym pu yoh bordiñ.

Hawa yatoh wa ini da kyntu ya u Montri wow leh iyi iyi khnang wym wanrah yei eh yaki paidbah wa chong chnong, ki khynnah wa ki khynroo wei kamjooh leh ya ka Padu Dispensary neidaw ki dawai tika COVID-19 kiwa hap wow booh hapoh Refrigerator khnang yow lait ki wow sepai.

Advertisement ad1
Advertisement ad1

Neiliang won u Publicity Secretary Ka HYC War Jaintia Circle u Ricky Mukhim ha ka 31 tarik Nasian, 2021 da pynhær chithi u cha u Chief Minister ka sorkar jylla u Conrad K. Sangma, cha u Lahkmen Rymbui, Education Minister wa cha u Jt. Director Higher & Technical Education ka jylla Meghalaya hajrong i dawa wow pynlait noh smat yaka bai baam kiwa lai puræ ka jylla Meghalaya lyngba ka Umbrella Scheme 2.0 Pre-Matric & Post-Matric Scholarship 2020-21.

Da ong wa katni chiboon ki bei ki pa kiwa lai puræ pule toh kiwa wan na ki manyung wa dooh wa duk, wa kup chiliang sem chiliang kiwa maad yei eh wa khroo nei kyrdooh baam ha yung hasem nei wan ka khlam COVID-19.

Share this:
Previous

Lai pait u Conrad ya kiwa chah ktah ha u COVID-19 ha Tura Civil Hospital

Next

Da ka kari e yarap ka KSU War Jaiñtia ya ka Jaraiñ PHC