Ynne kam chibynta ka sngi lehkmen yei yoh laitlooid ka ri India wa tip leh kam ka 79th Independence Day, neiliang ka Akhil Bharatiya Vidyarthi Parishad (ABVP) Jowai Town Unit da pynman ko ya ka Tiranga Rally deiwa lai kjat chirup i rahlang ya ka lama le rong ka ri wa jrong 100m.
Yeini da pynman heipor 7:30 i step deiwa sdang nadooh na Mookyrdup wei da lai luti lyngba ka Ladthadlaboh ter ter deiwa pynkut ha pchem ka District Library Jowai.
Yow leh yeini waroh da wan wow chimbynta da palat 400 ngut ki khynnah skur, ki khynroo khyllood deilang wa kiwa sikai na ki skur wa ki dkhot yong ABVP.
Ha kani ka lehkmen da emlang ki dkhot yong ka seiñ ABVP Jaiñtia chirup wa ka Nibiang Sumer wa man kam ka Central Working Committee Member yong ka ABVP, u Wadario Chyrmang uwa man kam u Secretary yong ka ABVP Jowai Town, u Sunidonhi Langbang uwa man kam u District Convenor yong ka West Jaiñtia, u Amnosha Malang uwa man kam u District Convenor yong ka East Jaiñtia Hills wa kiwi tawon ki dkhot yong ka seiñ.
Discussion about this post