Jowai: Ka Thomas Jones Synod College ynne ka sngi da pynman ko ya ka lehkmen Advance Christmas Celebration wa kyrpang neibynta ki khynnah wa dai kwai dong deiwa saam cha ki ya i baam, ki sula wa ki tiar ki tar.
Ha chwa ini da em ka yalang lehkmen wow kynmoo ya ka Christmas heiwa kiwa sikai, ki khynnah puræ da e ki ya ki rwai Christmas kamjooh na ka Choir ka College wei neiliang ka Theatre Club won da e ko ya lehke wa tbian heiwa da pynkynmoo wym hoi u kit ya i sniaw wa sih hapooh mynsien neibhah daw ktah ya i pyrkhat pyrdaiñ kamjooh leh ya i doh i pran.
Ya ka khubor Christmas ha kani ka sngi da yoh na u Rev. Lyndan Syiem uwa da klam chaphang ka sngi wa kha ya u Jisu heiwa em kiwa pdiang ya oo kam u khon u Blai wei, em kiwa kyntait wa em ki wym bna oo.
Ha kani ka sngi, ka History Department ka College da pyllait ko ya ka Newsletter yong ka wei da saam leh ya ki Certificate cha ki dkhot ka Red Ribbon Club kiwa da yoh hei kyrdan wa le hei yakop leh droma wa pynman ka Meghalaya AIDS Control Society.
Hadien wa kut kani ka yalang, ha lait ka College da thang ya ka Bonfire wei da saam leh ya i e sñiawbha cha ki khynnah dai kwai.
Discussion about this post