Shillong: U Montri Rangbah ka jylla, u Dr. Mukul Sangma da ong u wa neiliang yong oo ym pynpsiah pyrtuid u ha u Aadhaar wei wa u Aadhaar Number ympu man u uwa emkaam (compulsory) ha ka jylla Meghalaya.
Hawa jubab yeiwa kylli u MLA ka Mawthengkut u Witting Mawsor, u Dr. Mukul da ong u wa ka sorkar jylla ym em pynmih hukum paidbah ko wa ong wa emkaam u leh bait ya u Aadhaar wei ini waroh chong i ha i mon ki paidbah.
Da ong u wa oo leh ympu em u leh Aadhaar u wei da kular u wa daw yaklam u wa ka sorkar pyrdi, ki tnat sorkar, ki bank wa kiwi kiwi wa ymtoh u pynbor ki wow leh Aadhaar hapoh jylla.
U Dr. Mukul da ong u wa ka sorkar ym ye ko wow pynsangeh ya u Aadhaar neibhah wa ye ko u pyndooh myntoi ya ki khynroo khyllood hawa leh ki ya ki Entrance Exam cha baar jylla.
Chooh chooh da ong u wa lyngba u Chief Secretary daw khut yalang u ya waroh ki Bank wow kyntu ya ki wow dam ki u paan Aadhaar wow pynyabi ya ki Account Number ki paidbah ka jylla.
Da ong u wa hadooh katni da em 6,02,935 ngut ki bru wa leh ya u Aadhaar na ki 30 lak ngut kiwa chong chnong ka jylla waroh kawi.
Heijooh i por da ong u wa i paan ka sorkar jylla ya u Aadhaar na kitu ki briew kiwa toh u yoh ya ka pension neibhah wa ki account yatoh ki wa ka Prevention of Money Laundering Act (PMLA), deiwa pynrap u wa ki bank ym haap ki hapoh i pyllai ka sorkar jylla.
Ki dkhot wa da paan i pynche hei yatoh wa u Aadhaar kynthup ki ya u Paul Lyngdoh, u Ardent M Basaiawmoit, u Metbah Lyngdoh, wa u Prestone Tynsong.
Discussion about this post