15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da ka Life Insurance paan ka seiñ kiwa yah truck naka sorkar

0 Comments

Jowai: Ka seiñ kiwa yah kari kawa tip kam ka East Jaiñtia Hills Driver Association (EJHDA) Central Body, da phah ko da i thoh cha u montri rangbah ka sorkar jylla u Conrad K. Sangma wow e yarap ya kiwa yah truck da ka ‘Life Insurance’ kawa man leh kam ka laad yarap ya ki ha kam ini i por wa em ka khlaam wa chyrkhei wa tip kam ka COVID-19.

Katai ka seiñ kiwa yah truck da pynsñiaw ko leh ha i thoh cha u montri rangbah hajrong i eh kiwa boon kam kiwa yah truk wa yachem ki wow pynpoi ya ki mar ki mata na kawi ka jylla cha kawi won, wei boon na kiwa yah truck man ki kiwa dooh kiwa kamai sngi yow baam hei miet, kamjooh leh wow pyndap yaka yung ka sem.

Chooh chooh wot hapyrdi i kjut COVID-19, kiwa yah truck pyndep ki yei i kamram wow pynpoi ya ki mar emkaam cha waroh ki bynta yong ka ri wot ha ki thaw wa khut kam ki Red Zone, Orange Zone lane Green Zone.

Hajrong ini, ka seiñ kiwa yah truck da kyntu joor ko yaka sorkar jylla deilang waka sorkar bei wow e ya ki laad yarap ya kiwa yah kahri da ka ‘Life Insurance’ cha uwi pa uwi uwa yah kari wow yarap ya ki lada toh yoh kjut ki næ i eh ha kiwon kiwon ki por da ong u Lambok Dkhar, President ka seiñ.

Previous
Next

0 Comments

Leave a Reply