Da ka Mahindra Scorpio deilang ka poisa wa Rs. 3 lak tam u pynkhle ka SRB UP School | Online wa Offline u dai Ticket   

Ynne ka sngi u, Justine Dkhar uwa man leh u MLA warim ka 6-Khliehriat Constituency da pynlait paidbah u ya ki Ticket Khle Nasib namo ka Lucky Draw wa da pynkhreh da ka SRB Upper Primary School Jalyiah ha ka yalang wa pynman ha Madan Chaad Suk-kara, Jalyiah Kmai dei sakhilang ki paidbah wa chong chnong chynrang wa kynthai.

Ya kani ka yalang wa tbian da pynlai da u Harvis Phawa uwa man leh u Chairman ka School Managing Committee (SMC) heijooh i por u Chairman ka chnong Jalyiah.

Ha kani ka yalang da emlang leh u Waheh Chnong ka Pamra Paithlu, u Leningstar Rymbai, u Waheh Chnong ka Jalyiah, u Shillong Dkhar, u Secretary Chnong, u Dening Siangshai, u Headmaster ka skur u Phrangki Siangshai wa ki dkhot ka Excutive Body yong ka chnong wa ki dkhot ka SMC.

U Justine Dkhar kam u kongsan da kitbok kitrwiang, kyrkhu kyrdoh u yow man kani ka kaam kawa yoh nong yoh ni neibynta wow lai bait lai ryntih ki kaam ka skur.

Related posts

Jop ka Miss Thailand yei naam Miss World 2025 kawa da pynman ha India

May 31, 2025

Hap rah tarik yei pynkhle ya ka Lucky Draw ka chnong Moopala

May 31, 2025

Da yoh leh i klam wa tbian na u Janki Dkhar, u Shillong Dkhar wa Leningstar Rymbai.

Ka tarik wow pynkhle ya ki Ticket ka Lucky Draw u man ko ha ka 22 Duyatra (January) 2025 ha ka Madan Jalyiah Kmai.

Ki Prize yong kani ka Lucky Draw man ki kamni ha wah:

1st Prize- Mahindra Scorpio Classic S11 (Top Model) rong yong

2nd Prize- Rs. 2,00,000

3rd Prize- Rs.1,00,000

3 tylli ki Consolation Prize kiwa Rs. 5000 kawi.

I dor yong ki Ticket chi sla man ko Rs. 30, chi Book won Rs. 300.

I thmu yong kani ka Fete ka wow pynman leh ya kani ka Khle Nasib toh neibynta u chna pyndep ya ka School Building yong ka SRB Upper Primary School wa dang sahteiñ hadooh katni.

Heijooh i por ya kani ka skur da pynku kyrdan (Upgrade) cha ka Secondary School kamwa la ar snem kattu, katwa kamtæ dei mynsien sñiawngooh wei burom da kyrpaad ya ki lok ki jor najan wa najngai wow sñiawbha phi u ya kyrchaan lang ya ka skur deiwa thied ya ki Ticket kani ka Lucky Draw.

Ya ki Ticket ye u yoh leh deiw thied Online dei wa Phone ha kini ki Number: 8014117174/6009927836/8974823803/7005752108.

Ya ki Online Ticket ye phi u thied nadooh ka 07-12-2024 katwa kiwa kwah u thied Offline ye leh u yoh na Khliehriat, Sutnga, Lad Rymbai, Phramer, Jowai, Ummulong, Shillong wei daw pyrchang leh u pynpoi cha waroh ki bynta ka Ri-loom Khasi Jaiñtia.

Kani toh katkam ka Wyrta na u R. Harvis Phawa uwa man u Chairman ka SMC.