Ka War Jaiñtia Students’ Union (WJSU) da pynlait ko ya ki Ticket Lucky Draw neibynta u pynmih poisa ya ka ka 3rd War Jaiñtia Scholarship Examination 2026 kawa daw pynman ha u December.
Ya ki Ticket da wan wow pynlait da u Jersom Shylla, President Rangbah ka Jaintia Students’ Union (JSU) wei daw pynkhle ha ka 12-12-26.
Ki Prize kani ka Lucky Draw man ki kamni: 1st Prize – Rs. 1,00,000, 2nd Prize – Rs. 50,000, 3rd Prize-Rs. 30,000, 4th Prize – Rs. 10,000, 5th Prize – Rs. 5,000 wa 5 tylli ki Consolation Prize kiwa mar Rs. 3,000 kawi.
Ya ka yalang da pynlai da u Vice President ka seiñ, u Banthom Sumer deiwa emlang u Education Secretary, u Heartcasing Dkhar, u General Secretary, u Stalwoss Pohkyrnu deilang ki dkhot ka CEC.
Neiliang u kongsan hawa e yei klam da pynsñiaw u yei kyrchaan yeini wa lai luti ka WJSU wow pynchlur ya ka puræ puthi ka thaaiñ War Jaiñtia kamjooh wow kyrchaan ya kiwa dooh wa duk, kamtæ da kyntu u wow e yei kyrchaan neibhah ka Ticket man ko du Rs. 30 chi sla kam i dak e mynsien chooh chooh ya ki kaam wa bha ka seiñ.
Neiliang u symbood kongsan uwa man leh kam u President ka Jaiñtia National Council (JNC), Western Zone, Jowai da pynsñiaw u yei kmen yei chimkhia ka WJSU wow e da ka Scholarship wei kani man ko ka nongmuna wa bha tam deiwa khut leh ya waroh wow e yei kyrchaan.
Da yoh leh yei klam wa tbian na u President Rangbah ka War Jaintia Students’ Union, u Everest Langstang uwa da e khublei kyrpang ya ki paidbah ka War Jaiñtia wa ka Ynñiawtrep waroh kawi yei kyrchaan ki neipor cheipor hawa pynman ya kani ka Lucky Draw kawa man yow pynmih poisa yow kyrchaan ya ki khynnah skur lyngba ka Scholarship kiwa da jied deiwa pynman da ka Exam kawa da sdang nadooh u snem 2024 wei ha uni u snem toh ka sien kawa le wa pteiñ wow e ya kani ka Scholarship.
Discussion about this post