theme-sticky-logo-alt
theme-logo-alt
Advertisement ad1
Advertisement ad1

Da ka Mask Day pynman ka Dorbar Chnong Madankynsaw-Mowkyndeng

Advertisement ad1
Advertisement ad1

Ynne ka sngi ka Dorbar Chnong Madankynsaw-Mowkyndeng da pynman ko yaka Mask Day ha ka chnong Madankynsaw hajrong ka phang “Deiñ yow yada na u Corona” hapoh i yahkhmat yong u waheh chnong u D. Shadap waka EC yong ka chnong deiwa ya emlang leh ka Village COVID Management Committee.

Ya kani ka Mask Day da pynman yow pynkynmoo yaki paidbah yei emkaam wow deiñ yaki Mask, wow sait-kti man i por da i sabon waka um wei wow yajngai uwi na uwi ha ki thaw paidbah.

Advertisement ad1

Ha kani ka sngi da pynyoo leh yei emkaam wow bood ryntih yaki kyndon wa da pynmih yow yada na kani ka khlam. Heiwa da sdang ya i pynsñiawthooh paidbah yei emkaam wow deiñ Mask wa kiwi tawon ki aiñ ki kyndon da i klam naka K. Synnah (Asha).

Da em leh i sikai wow sait-kti ha i rukom wa bniah da ka Asha wa ki wakreh Anganwadi yong ka chnong.

Da pynman leh ya i lai paidbah kawa da e pyrtuid “Walk for Safety” kawa da yahkhmat ka EC ka chnong deilang waka COVID Committee yong ka chnong deiwa ya rahlang ya ki Placard wa em yaki ktien sneiñ ha kylleiñ soodong ka chnong wow pynkynmoo yaki paidbah ya i emkaam yong ki kyndon wow yada ya idæ. Da em leh i saam yaki Mask ha manla ki dong ki chnat yong ka chnong.

Neiliang u waheh chnong da e khublei kyrpang u yaka chnong kawa bood ryntih yaki kyndon ki aiñ yong kani ka khlam deiwa kyntu u leh ya kiwa chong chnong wow nang pteiñ ki u ya krehlang wa kiwa pynlai chnong khnang wow ya jop lang ya kani ka khlam.

Share this:
Previous

Khih khmi wa khlanbor 5.1 uwa sdang na Aizawl

Next

Da chait lut kiwa yoh COVID-19 ha South West Garo Hills, sah sa 6 ngut hapoh jylla