Ynnin ka sngi ha ka 2026 World Cup Draw wa da man ha Washington, D.C., u President ka FIFA, u Gianni Infantino da e u ya ka Peace Prize cha u President ka USA, u Donald Trump.
Ka FIFA ha ka 5 tarik da pyntip ko wow sdang ko u e ya ka FIFA Peace Prize neibhah wa ka Football pynyatylli ko ya ka pyrthai.
Kani ka Award toh wow burom ya ki bru wa kreh neibynta wow wanrah yei chongsuk heiwa u Gianni da ong u wa ini i burom ymtoh man i du na ka FIFA tangwa na ki 5 Billion ngut kiwa maya bol ha pyrthai.
Kani ka Award toh ka kyrdan (Category) wa thymme wow e ka FIFA Council, wei u Trump toh uwa nyngkong wow yoh ya ka.
I chah beiñ heiyatoh wa kani ka Award
Ka Human Rights Watch (HRW) da beiñ wei kyntait ko ya kani ka Peace Prize deiwa ong wa ym em khooid i rukom e ya ka wei ymtip kiyi kiwa bichaar wow e ya ka heiwa kani man ko leh kam ka khubor ya ka FIFA Council.
Ka Global Sports Director ka HRW, ka Minky Worden da ong u wa ini man i pyrchah yei chah kset bor ki bru wa na baar ri ka USA, i phah chipai National Guard cha ki sor ka USA wa kiwi.
Kam wow pynkynmoo wa ya ka World Cup 2026 daw pynman ka ha USA, Canada wa Mexico.
Discussion about this post