15 49.0138 8.38624 1 0 4000 1 https://wyrta.com 300 0

Da ka PIL ha HC ujor ki paidbah ka Mihmyntdu pyrchah ya u RC Laloo wa ka Sorkar

0 Comments
Advertisement ad1

Jowai : Ki San ngut ki wa chong chnong ka Mihmyntdu da ujor ki da ka mukotduma ha ka High Court ka Meghalaya da ka Writ Petition hapoh ka Article 226 ka Constitution ka ri India.

Ya kani ka mukotduma da booh hei yatoh wa ka Special Rural Work Programme Scheme 2012-13 neibynta wow chna pynmiat ya ki yung yong ki katkam ka hok wow yoh myntoi ki.

Advertisement ad1

Da kynnoh ki wa ki pyrtuid yong kini ki san ngut chirup wa kiwi kiwa toh u yoh myntoi da phah u Dr. R. C. Laloo cha ka sorkar wei ka sorkar da mynjur ya ki heiwa toh u yoh ki T. 10,000 wow chna pynmiat ya i yung ki katkam wa mih na ki kot ha Office, Block Development Officer.

“Iwa sñiaw phylla toh wa ki bru wa yajan wa u Dr. RC Laloo da yoh ki ya kani ka scheme katwa kini ki san ngut chirup wa kiwi kiwa chong chnong ki wym em yajan wa oo ympu yoh ki ya ka hadooh katni” da ong u ma D Laloo, uwa man leh u president ka MPUF.

Ya kani ka mukotduma da pdiang ka High Court ya ka ha ka 16 tarik uni u bnai heiwa ka yung bichaar da phah booddien ko yeini ya u muktiar sorkar wei daw chong bichaar biang yeini ha u snem wow wan manda kut chuti ki court.

Hei yatoh weini ka Meghalaya People United Front da pynrem joor ko yeini i chah yoohbeiñ i hok ki paidbah ha ka sorkar kamjooh ha u Dr. R.C Laloo.

Advertisement ad1

0 Comments

Leave a Reply