15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Da ka pistol chah maham pynyap u President ka KJNU

Advertisement ad1

U President yong ka Khasi Jaiñtia National Union (KJNU), West Jaiñtia Hills District, u Niman Shadap, ynne ka sngi da pyntip u wa ha ka 13 tarik uni u bnai, heipor kamwa 8 waje i miet, uwi u bru uwa tip pyrtuid kam u Dapoiwanmi Laloo, da maham u wow chim yei mynsien yong oo. Wei ini da jia i ha Ummulong ‘Ksehlakiang’.

Hawa yaklam wa ki laad pathai khubor ynne ka sngi ha nongbah Shillong, u Niman Shadap da pyntip u wa ini i chah maham pynyap ya oo toh hadien wa ki dkhot yong ka seiñ KJNU da yoh ki wow ksoh ya ki ar tylli ki trok Assam kiwa em ya u Number AS-02B-3654 wa AS-02AC-6222 ha i janmiet ka 13 tarik, kiwa da thmu wow chalan tooh ya ki masi cha Bangladesh. Da pyntip wa kini ki truck kiwa wan na ka jylla Assam, da yoh wow ksoh ya ki hadien wa da yoh yutip ki da iwa bniah wa kini ki truck daw lai ki lyngba kani ka chnong.

Da pyntip u wa neiliang ka seiñ da ujor FIR ko ha Ummulong Beat House hajrong ini i yoh kem ya kini ki truck haka jooh hi ka sngi wei hadien ini, da wan mih u Dapoiwanmi Laloo uwa da dawa na u Shadap wow phah pyndam noh yaka ujor wei wow pynlait noh ya ki artylli ki truk deiwa kam wa kini ki truck toh kiwa kit ya ki masi yong oo.

Hadien wa u Niman ym bien u wow phah yaki dkhot wow pyndam yaka ujor, u Dapoiwanmi da pyrchang u wow taan yabor ya u Niman chapoh ka kari kawa em ya u number ML-04C-9996 wei ha ini i por u Dapoiwanmi da pynyoo u da ka Pistol wei da maham u wow chim yei mynsien yong u Niman deilang wa kiwa ha yung ha sem yong oo.

Hajrong ini, u Niman da e ujor pyrchah ya u Dapoiwanmi hakhmat u Officer in Charge ka Ummulong Beat House wei da kyrpaad ya ki bor yong ka aiñ wa ki toh u kem wei pynchitom ya u Dapoiwanmi neibhah wa utai u bru da booh u yaka yung ka sem wa ya oo hei maa.

Share this:
Previous

Da pynthymme yei dor phñiang charak ha West Jaiñtia Hills

Next

Hapoh 4 bnai chna ka DRDO ya ka Asmi-9mm Machine Pistol kawa T. 50,000